Bike lanes ordinance hapit na maaprobahi

Wednesday, June 25, 2014

DUNA nay kahayag ang dugay nang damgo sa mga tigbiseklita nga makabaton og bike lanes ang kadalanan sa dakbayan sa Sugbo kay way nisupak bisan usa atol sa gipahigayong pulic hearing kagahapon sa konseho.

Atol sa ikaduhang pagbasa kagahapon sa proposed ordinance ni Konsehal Nida Cabrera, way bisan usa sa mga mamumulong nga imbitado sa public hearing nga nisupak sa di pa ipaubos sa final deliberation ang maong ordinansahon.

Sa 11 ka mga mamumulong nga gidapit sa konseho, pulos nihangop sa ordinansahon sanglit gawas nga makaayo sa panglawas sa tawo, ang paggamit og biseklita, makatabang og dako sa kalikupan kay wa may aso (carbon dioxide) nga ibuga ang biseklita.

Si Joel Lee, sakop sa Permaculture Society of the Philippines ug Sugboanong negusyante ingon man environmentalist ug usa sa mga founder sa Tindak Sugbo, niingon nga haum na ang Sugbo alang sa bike lanes.

Siya nipasabot nga dako og ikatabang ang biseklita isip alternatibong transportasyon, di lang alang sa maayong panglawas, kon di sa kalikupan.

Siya niingon nga kay human-powered man ang biseklita, wa kini magkinahanglan og fossil fuel nga tinubdan sa aso nga makadaut sa kalikupan.

Matod niya nga ang biseklita usa sa mga matang sa transportasyon nga giduso sa United Nations nga malahutayon.

Si Dr. Henry Dimaano, usa ka doctor nga espesyalista sa bukog, niingon nga dako og ikabang ang biseklita sa panglawas sa tawo. Mopaubos kini sa blood pressure ug blood sugar hinungdan nga ma­panalipdan ang tawo sa sakit sa kasingkasing ug diabetes nga mosangko ngadto sa ubang mga komplikasyon sa panglawas.

Si Dimaano niingon nga importante ang bike lanes alang kaniya ug sa uban pang mga tawo nga magbiseklita gikan sa balay ngadto sa trabahoan sama kaniya.

Si Dimaano nagbiseklita sukad pa niadtong 1985 dihang usa pa lang siya ka tinun-an sa high school.

Usa siya ka extreme mountain biker.

Ang gisulti ni Dimaano gipa­matud-an sa negusyanteng si Jay Garganera. Matod niya nga pipila ka mga tuig ang nakalabay, siya nag-mild stroke.

Sa iyang recovery, gitambagan siya sa doktor sa pag-ehersisyo.

Ang pagbiseklita maoy iyang napilian tungod kay nakaadto usab siya og lainlaing lugar tungod niini.

Si Roger Vallena, opisyal sa Tindak Bisdak Cebu Folding Bike Society ug news editor sa Sun.Star Superbalita Cebu niingon nga dako og natabang ang biseklita kaniya ug sa iyang asawa sa pagkombate sa depression human mamatay ang iyang 5-anyos nga anak nga babaye.

Ang Tindak Sugbo, subay sa section 9 sa proposed ordinance, maoy gitahasan sa pag-umol sa implementing rules and regulation alang sa maayo nga implementasyon sa ordinansa.

Ang maong ordinansahon gihangop usab nilang Atty. Rafael Yap sa Cebu City Traffic Operations Management (Citom), Engr. Nigel Paul Villarete sa Transportation and Communication ug Engr. Fernando Cruz sa Department of Public Works and Highways. (PAC)

http://www.sunstar.com.ph/superbalita-cebu/balita/2014/06/25/bike-lanes-ordinance-hapit-na-maaprobahi-350227#.U6sr12yvgXo.facebook

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s